Шитаке печурки – потекнуваат од источна Азија, а се посебни по богатиот, земјен вкус, но и по многубројните здравствени ефекти.
Тие се полни со витамин Д и помагаат во зајакнувањето на имунитетот, здравјето на срцето и можат да помогнат во борбата против ракот.
Зошто шитаке печурките се добри?
Шитаке печурките содржат 90 проценти вода, тие се добар извор на влакна, витамини од групата Б и некои минерали. Најбогати се со бакар, кој е одговорен за здравјето на крвните садови и коските и го штити имунолошкиот систем. Тие исто така содржат полисахариди, терпеноиди и липиди кои заедно служат за зајакнување на имунитетот и намалување на холестеролот. Тие исто така содржат многу амино киселини како месото.
Исто така, овие печурки имаат многу малку калории. Половина шолја свежи шитаке печурки содржи 34 калории, 2,5 грама протеини, 3 грама влакна, 0,5 грама масти и 7 грама јаглени хидрати.
Како се користат шитаке печурки?
Доаѓаат во две форми, како свежо набрани и сушени. Можат да бидат дел од зачини или додатоци. Сувото шитаке има поинтензивен вкус и е попопуларен од свежото. И двете се користат за правење различни рецепти и често се главна состојка во многу вегетаријански јадења. Кога конзумирате суви шитаке печурки, прво треба да се потопат во топла вода за да омекнат. Ако правите јадење со свежи печурки, отстранете ги стебленцата бидејќи ќе останат цврсти дури и по готвењето. Овој вид на печурки се подготвува на ист начин како и сите други печурки.
Шитаке како лек
Шитаке се користи во традиционалната кинеска медицина. Се користат за подобрување на здравјето и циркулацијата, но имаат и антибактериски, антивирусни и антигабични својства, ги ублажуваат воспаленијата и бидејќи се природен извор на витамин Д ги зајакнуваат коските.
Можни несакани ефекти
Без разлика на бројот на придобивките, овие печурки во ретки случаи (кога не се доволно термички обработени) може да предизвикаат осип на кожата кој се појавува 24 часа по конзумирањето, а може да трае и до 20 дена. Честата употреба на екстракт од печурка шитаке може да предизвика абдоминална болка и чувствителност на светлина. Тие исто така може да предизвикаат одредени несакани ефекти кај луѓето со гихт. На луѓето кои боледуваат од автоимуни болести не им се препорачува да ги користат овие печурки бидејќи тие можат само дополнително да ги влошат симптомите. Не е познато дали шитаке печурките предизвикуваат несакани ефекти кај трудниците и доилките, па затоа се препорачува да се избегнуваат.
Рецепт за шитаке печурки
Шитаке најлесно се прави со ориз и може да се додаде во голем број јадења од зеленчук за да му се даде дополнителен интензивен вкус. Може да се направат и во форма на чорби, супи или гулаш и се прават на ист начин како и секоја друга печурка.
Еве еден многу едноставен рецепт за тоа како да направите шитаке печурки. Можете да додадете зеленчук по желба, како и зачини.
Топла салата од шитаке печурки и јачмен
Состојки:
170 гр јачмен
340 гр шитаке печурки тенко сечкани (без стебла)
5 кромидчиња ситно сечкани
2 лажици сок од лимон
Сол, бибер
Маслиново масло
Подготовка:
Јачменот варете го додека да омекне, околу 30 минути и процедете го. Во исто време, загрејте го маслиновото масло во голема тава, додадете ги печурките и кромидот и пржете со постојано мешање додека печурките не добијат златна боја, околу седум минути. Додадете сок од лимон, јачмен, сол и бибер и измешајте сè. Изгаснете го огнот и послужете го садот.
Значи, шитаке печурките имаат многу придобивки, а на секое јадење ќе му дадат интересен и богат вкус. Може да се користат свежи, сушени или во форма на екстракт. Постојат многу начини на кои може да се подготват, а важно е добро да се термички обработени бидејќи во спротивно може да предизвикаат осип.
За повеќе корисни стории посетете ја рубриката храната како лек, како и нашите социјални мрежи Facebook и Viber.в
