Поради големото производство на млеко, исхраната на козите мора да биде комплетна во однос на количината и квалитетот. Недостатокот на минерали и витамини во храната често доведува до намалено производство, како и до болести кај козите, а понекогаш и до смрт. Ова е особено се однесува за потомството.
Докажано е дека поради недостаток на основни хранливи материи во оброкот, главно минерали и витамини, отпорноста значително се намалува. Козите стануваат подложни на разни болести. Најчести се рахитисот и омекнувањето на коските, како и болестите на мускулите на младите животни (мускулна дистрофија).
Рахитисот е болест на младите. Настанува поради недостаток на калциум, фосфор и витамин Д, без кои коските се меки, па се јавуваат нивни искривувања, се згуснуваат зглобовите и се појавува куцање. Кај млечните кози, овие минерали се губат од коските, така што се појавуваат истите симптоми како и кај јарињата. За да се избегне рахитис кај млади и остеомалација на стари животни, неопходно е да се воспостави правилен сооднос на калциум и фосфор во храната. Покрај овие минерали, на заболените животни им се дава и витамин Д.
Што е мускулна дистрофија?
Мускулната дистрофија е исто така болест на млади животни. Тоа е последица на недостаток на селен и витамин Е. Распространет е во некои предели, најчесто ридско-планински, а се манифестира со отежнато и круто движење, лежење и тешко станување. Болеста е предизвикана од промени во мускулите. Ако промените го зафатат и срцето, животното може да умре. Иако животните се разболени, нивниот апетит не опаѓа. Болестите на мускулите најлесно се спречуваат ако на козите им се дава селен и витамин Е во форма на инјекции или орално во последниот месец од бременоста.
За повеќе корисни стории посетете ја рубриката Агро совети, како и нашите социјални мрежи Facebook и Viber.
