Компирова златица ( Leptinotarsa’ decemlineata ) е најраспространет штетник кој ги напаѓа надземните делови на растенијата и предизвикува најголема економска штета на овој зеленчук.
Таа е штетна во речиси сите фази од нејзиниот развој. Возрасните инсекти презимуваат во почвата. Напролет, на повисоки температури, инсектот излегува од земјата и веднаш ги напаѓа никнатите растенија. Особено голема штета предизвикуваат ларвите од компирова златица, па со нивното појавување почнува и сузбивањето.
Може да се контролира на природен начин. Ние ви пренесуваме четири начини како да ја контролирате природно и без хемикалии.
Патки кои јадат Компирова Златица
Ако сакате украсна живина во дворот што јаде полжави и други инсекти, вклучително и златицата, набавете индиска патка – тркач.
Ова е предноста на одгледувањето на овие патки, кои можете да ги пуштите во градината без страв, за разлика од другите раси на патки, кои би направиле хаос таму.
Бидејќи тркачките патки тежат само два килограми, кога случајно ќе слетаат на компирот, нема да го оштетат. Тие се хранат со мелени житарки со концентрат и бараат доволна количина на вода за пиење. Бубачката е нивното омилено уживање, па можете да бидете сигурни дека компирите ќе ви растат непречено.
Сузбивање со Бозел
Бозелот е едно од најдостапните растенија на нашите простори, бобинките имаат најголемо количество на витамин Б, кој е важен за зајакнување на нервите, многу витамин Ц и реткиот минерал селен, кој го има во природата.
Покрај своите лековити својства за човекот, тоа е растение кое може да се користи за помош на земјоделското производство.
Еден од начините да се користи во земјоделството е да се направи природен инсектицид од цветовите и листовите, кој се користи за прскање против компирова златица.
Потребни ни се 1кг цветови и лист што ќе ги потопиме во вода. Доволни се 5 l вода. Оставете го преку ноќ. Следното утро потребно е да се процеди содржината на кофата и препаратот против бубачката е подготвен за употреба.
Со овој препарат третирајте ги растенијата од компир наутро и навечер, а третманот повторете го по потреба.
Уништете ја компировата златица со компирова златица
Ова е многу интересен метод за борба, кој се заснова на фактот дека еден вид не се храни со сопствениот вид (неканибализам). Оваа постапка се состои од собирање што е можно повеќе златица во сад со познат волумен (0,25 L, 0,5 L и така натаму).
Потоа овие бубачки се толчат, а тој волумен на бубачки се прелива со дваесет пати повеќе вода. На пример, ако имаме сад од еден децилитар бубачки, го преливаме со два литра вода. Потоа, таков растворот се остава да отстои 7-10 дена, а потоа мора да се разреди во сооднос 1:3 (на еден литар раствор се додаваат три литри вода). Со овој раствор ги третираме стебленцата од компирите.
Златицата не ја поднесува пепелта од домаќинствата
Имено, пепелта од домаќинството може добро да делува во борбата против овој инсект. Потребно е прво да се просее пепелта низ женски чорап (за да добиеме што е можно поситен прав), па така да се просее пепелта за да се исчистат стебленцата од златица. Исто така, пепелта е корисна затоа што нејзиното присуство ги одбива мравките и полжавите.
За повеќе корисни стории посетете ја рубриката Агро совети, како и нашите социјални мрежи Facebook и Viber.
