Зимница од лубеница – Лубеницата е вкусен сладок зеленчук, но е и многу здрав. Едно парче лубеница обезбедува дури 25% од дневната потреба за витамин Ц. Витаминот Ц е важен за здрави заби и непца, помага за апсорпција на железо, за одржување на здравјето на сврзното ткиво на кожата, имунолошки функции и заздравување на раните.
Ние јадеме лубеница во лето, но замислете лубеница во секое време од годината. Овој рецепт ќе ви овозможи да го направите тоа.
Зимница од лубеница – рецепт и подготовка
Ќе ви требаат : 2,5 кг лубеница, 1 литар вода, 3 лажици шеќер, 2 лажици сол, 60 мл оцет, зрна црн пипер, ловоров лист.
Готвење: Измијте ја лубеницата, исечете ја на парчиња кои погодно ќе ги наредите во тегли.
Наредете ги парчињата лубеница во теглите, ставајќи бибер и ловоров лист меѓу слоевите. Истурете врела вода и оставете ги да отстојат 5 минути покриени со чисти капаци.
После тоа, внимателно истурете ја водата од теглите во лонец и варете, додавајќи сол и шеќер. Варете ја маринадата 5 минути со мешање и ставете го оцетот на самиот крај.
Истурете ја топлата маринада во теглите со парчиња лубеница и веднаш затворете ги капаците.
Свртете ги теглите наопаку, завиткајте ги во крпа и оставете ги целосно да се изладат во оваа форма. После тоа оставете ги на темно место со изедначена температура и вашата зимница од лубеница е готова.
За повеќе корисни стории посетете ја рубриката агро забава како и Земјоделските групи на Facebook и Viber.
