Зелка – природна намирница која човекот успеал да ја подобри, односно да ѝ ги зголеми нутритивните својства преку процесот на киселење.
Киселата зелка е многу корисна за нашето здравје бидејќи претставува богатството од калиум, железо, магнезиум, сулфур и бакар.
Зелката преку процесот на киселење (ферментација) создава исклучително активен кобаламин (витаминот Б12), кој инаку исклучиво може да се најде во намирниците од животинско потекло. Поради оваа причина киселата зелка е неизоставна намирница за вегетаријанците.
Повеќегодишните истражувања потврдуваат дека киселата зелка содржи големо количество на витамин Ц (во 100 г зелка има 50 мг витамин Ц). Покрај тоа, киселата зелка крие вистинско богатство од пиридоксин (витамин Б6), без кој инаку протеините воопшто не би биле искористени.
Исто така, киселата зелка е богат извор на нијацин (витамин Б3), кој е потребен за целосниот метаболизам, енергија и размена на материи во мозокот.
Расол
Познато е дека расолот е пијалак кој се препорачува како лек за тегоби поврзани со варењето, како и народен лек за смалување на отоците на зглобовите.
Меѓутоа, малку е познато дека сокот од кисела зелка не е богат само со витамин Ц, туку е и лековит пијалак со широк спектар на дејства. Со експерименти е докажано дека со сок од свежа зелка успешно се лечи чир на желудник и воспаление на дебелото црево. Помешан со сок од морков и репка, расолот е одличен пијалак за оние кои имаат недостаток на калциум. Исто така се препорачува да го пијат жени во средни години за да го спречат процесот на остеопороза.
Лековити својства на киселата зелака
– Го подобрува расположението
– Го прави организмот отпорен на стрес
– Ја активира размената на материи во мозокот
– Помага при создавањето на црвени крвни зрнца
– Ја стимулира работата на клетките и подмладува
– Помага за зајакнување на коските
– Ја регулира и намалува количината на масни материи и холестерол во крвта
– Го зајакнува имунитетот и ја зголемува силата на мускулите
– Придонесува за обновување на истрошеното сврзно ткиво
За повеќе корисни стории посетете ја рубриката храната како лек, како и нашите социјални мрежи Facebook и Viber.
