Шпанија е водечки светски производител на маслинки, а маслиново масло е составен дел од културата на земјата. Меѓутоа, денес производството на маслиново масло во Шпанија е преполовено, а главен виновник за тоа се лошите временски услови.
Маслиновото дрво стана жртва на временските услови поттикнати од глобалните климатски промени. Експертите предвидуваат дека во наредната година приносот ќе падне за повеќе од 50% во однос на просекот. Сушата е најодговорна за толку слаб принос.
Одгледувањето не само маслинки, туку и други растителни култури ќе претставува огромен предизвик со кој се соочуваат заедниците на глобално ниво во потопол и сув свет. Оваа ситуација е особено алармантна за маслинарите во Шпанија, бидејќи таа земја сочинува 75% од светското производство на маслинки. Тоа се речиси 10 милиони тони маслинки секоја година.
Оваа година беше трета најсушна година во Шпанија од почетокот на мерењата во 1964 година
Ова, во комбинација со најжешкото лето досега, ја направи ситуацијата многу потешка за 350.000 маслинари во земјата.
Во мај, високите температури за време на цветањето уништија многу маслинови дрвја. Малкуте преживеани плодови станаа мали и суви поради недостаток на вода. Помалку вода може да произведе подобро масло, но овој пад на влага се покажа премногу за маслиновите градини да се справат.
Производството на маслиново масло во Европската унија се предвидува да опадне за повеќе од 35% во однос на минатата година, а особено загрижувачка е ситуацијата во Шпанија.
Помала реколта значи повисоки цени. Сушата предизвика скок на цената на европските маслинки од 500 на 4.985 евра за тон. Доколку продолжи овој тренд, ќе има катастрофален ефект на пазарот. Угостителскиот сектор е речиси пред колапс поради енергетската криза, а секое ново поскапување може да има крајно негативно влијание врз оваа индустрија.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
