Со донесената одлука на Европската комисија ќе се зголеми контролата на пестицидите на лимони и грејпфрут од Турција кои се увезуваат во ЕУ.
Одлуката едногласно ја усвоила Постојаната комисија за растенија, животни, храна и добиточна храна.
Системот за брзо предупредување за храна и добиточна храна (RASFF) објавил податоци кои предупредуваат дека дошло до силно зголемување на бројот на пратки со лимони и грејпфрут од Турција. Во кои содржината на пестициди е надмината над официјалната граница утврдена со регулативите на ЕУ.
Поради тоа е изменета регулативата (EU) 2019/1793 година, а контролниот процент е зголемен од 10 на 30 отсто кај грејпфрутот или од 20 на 30 отсто кај лимоните. Мерката стапува на сила на почетокот на јануари и ќе се применува шест месеци. Три од десет камиони кои ги превезуваат овие цитруси за пазарот на ЕУ ќе бидат подложени на строги гранични контроли. Вклучително и анализа на пестициди.
Официјалните контроли спроведени од земјите членки во согласност со членовите 5 и 6 од Регулативата за спроведување (EU) 2019/1793 покажаа дека пратките од Турција имаат висока стапка на неусогласеност со релевантните закони и прописи предвидени во Унијата.
За повеќе корисни стории посетете ја страната на zemjodelie.mk, како и Земјоделските групи на Facebook и Вибер.
А доколку нешто продавате или купувате посетете го огласникот WWW.PETEL.MK
