Турскиот министер за надворешни работи Мевлут Чавушоглу изјави дека Анкара е посветена на продолжување на договорот, кој е поддржан од ОН, и дозволува Украина да извезува жито преку пристаништата на Црното Море.
– Напорно работиме на непречено спроведување и натамошно продолжување на Договорот за жито – рече Чавушоглу во говорот на конференцијата на ОН за неразвиените земји, што се одржува во Доха, Катар.
Чавушоглу нагласи дека со генералниот секретар на ОН Антонио Гутереш разговарал за напорите за проширување на Договорот за жито, пренесе Ројтерс.
Русија минатата среда објави дека ќе се согласи да го продолжи рокот на важност на договорот, доколку се земат предвид интересите на руските земјоделски производители.
Договор за извоз на жито од Украина преку црноморските пристаништа беше постигнат во јули минатата година меѓу Москва и Киев, со посредство на ОН и Турција, бидејќи Русија ги блокираше тие пристаништа по почетокот на конфликтот во Украина.
Договорот беше продолжен во ноември и ќе истече на 18 март, доколку не се постигне договор за продолжување.
За повеќе корисни стории посетете ја рубриката Агро совети, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
