Германија ќе одвои две милијарди за зелените фондови на посиромашните земји, најави канцеларот Олаф Шолц.
Мора да се финансира и трансформацијата кон климатска неутралност, рече тој на Петербуршкиот климатски дијалог во Берлин, пренесува ДПА.
Така, според владините податоци, Германија ќе биде првиот голем донатор кој ќе го објави својот придонес на донаторската конференција на почетокот на октомври во Бон.
Парите за зелените фондови одат за посиромашните земји и земјите во развој, кои ги користат за финансирање проекти за заштита на климата, прилагодување на климатските промени и градење на климатска економија.
Двете милијарди евра што ги најави Шолц се „силна порака“, и додаде дека се надева оти и другите земји ќе се приклучат со донациите според нивните можности.
На климатскиот дијалог во Петербург во Берлин присуствуваа претставници на повеќе од 40 земји. Тоа беше подготовка за Светската конференција за климата што ќе се одржи во Дубаи.
За повеќе корисни стории посетете ја рубриката Агро Вести, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
