Со цел да го спречи растот на цените на домашниот пазар поради намалените залихи по монсунските дождови, Индија забрани извоз на ориз.
Од 20 јули е забранет извозот на бел и кршен ориз. Со исклучок на басмати, соопшти Министерството за храна на Индија.
„Со цел да се обезбеди соодветна достапност на бел ориз на индискиот пазар, со исклучок на сортата басмати, и да се ублажи растот на цените. Индиската влада ја промени својата извозна политика“, соопшти Министерството.
Напоменуваат дека малопродажните цени на оризот во Индија во изминатата година се зголемени за 11,5 отсто. Индија учествува со повеќе од 40 отсто од светскиот извоз на ориз. А во 2022 година извезе околу 10 милиони тони бел и кршен ориз, без сортата басмати. Вкупно се извезени 22 милиони тони ориз.
Оризот е основна намирница за повеќе од три милијарди луѓе. А неговите цени на светските пазари се блиску до највисокото ниво во последните 11 години. Дури 90 отсто од културата, чие одгледување бара многу вода, се произведува во Азија. Каде временскиот феномен Ел Нино обично носи помалку врнежи.
Поради Ел Нино, цените на оризот од Виетнам, третиот најголем извозник во светот по Индија и Тајланд, скокнаа оваа недела на највисоко ниво во повеќе од 10 години.
За повеќе корисни стории посетете ја рубриката Агро Вести, како и нашите социјални мрежи Facebook и Viber и Telegram.
Доколку нешто продавате или купувате посетете го огласникот WWW.PETEL.MK
