По зголемувањето на цените на храната во Словенија во првата половина од годината, трговците сега ги намалуваат цените на храната, а некои производи поевтинија и до 50 отсто.
Ланецот маркети Хофер извести дека главно ги намалиле цените на млечните производи, месото, рибата, маслото, оризот и тестенините, пишува Журнал24.
Од Спар Словенија потврдија дека ги намалиле цените на дури 1.400 производи, со просечно намалување од 11 отсто. Но некои производи поевтиниле и до 40 до 50 отсто, како свинските шницли и сончогледовото масло.
Ланецот маркети Меркатор извести дека неодамна ги намалиле откупните цени на некои категории производи. Како млечни производи, масло, брашно и свежо месо. Од друга страна, Туш предупреди дека и покрај овие намалувања, сепак добиваат најави од некои производители за можно ново поскапување.
Репортажата на новинарот на Журнал24 за цените на одредени производи покажува дека цените на некои производи значително се намалиле. На пример, цената на млекото, кое пред летото чинеше меѓу 1,09 и 1,25 евра за литар, сега се движи од 0,79 до 1,09 евра за литар. Исто така, цената на путерот падна од претходниот опсег помеѓу 2,29 и 3,39 евра на сегашните 1,69 до 2,59 евра.
Цената на гауда сега е 3,96 евра за килограм, иако во некои продавници може да достигне и повеќе од 12 евра за килограм. Додека пред летото варираше меѓу 6,53 и 9,98 евра за килограм. Исто така, цената на јогуртот е намалена од просечни 1,19 евра на 0,89 евра за литар во повеќето продавници кои биле вклучени во истражувањето.
Исто така, падна и цената на сончогледовото масло во Словенија. При што цената на литар сега се движи меѓу 1,29 и 2,99 евра.
За повеќе корисни стории посетете ја рубриката Агро Вести, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
