Чорбата од домати е здрава, полна со антиоксиданси, вкусна и целосно приспособлива по ваш вкус, а со разни додатоци станува уште побогат и поароматичен нејзиниот вкус.
Подгответе ја оваа чорба од домати, која ќе ве стопли и благотворно ќе делува на дигестивниот систем.
- Потребни состојки:
- 1 kg зрели домати
- 2 лукчиња, ситно исецкани
- 2 лажици маслиново масло
- 1 лажичка сол
- малку црн бибер
- малку свеж босилек
- 1 лажица брашно
- 1 компир со средна големина
- 500 ml вода
Начин на подготовка:
Доматите првин излупете ги и насечкајте ги на ситни парченца. Компирот исто така излупете го и насечкајте го на ситни парченца. Во тенџере на оган ставете го брашното и маслиновиот зејтин и сосема кратко пропржете, па додајте ги насечканите домати и компири. Убаво измешајте и додадете ја водата, варете околу 10-тина минути на тивок оган.
Сварената смеса изблендирајте ја со рачен блендер за да добиете густа и еднолична смеса. Потоа додадете ги солта, црниот бибер и лукчето и оставете да се вари на тивко уште 5-10 минути. На крај декорирајте со ливчиња свеж босилек и уживајте.
За повеќе корисни стории посетете ја рубриката Агро забава, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
