Светските цени на храната не се променија значително во септември во однос на август. Растот на цените на пченката и шеќерот беше делумно неутрализиран со падот на цените на растителното масло.
Индексот на светските цени на храната во септември изнесуваше 121,5 поени, додека во август беше на ниво од 121,4 поени.
Цените на храната се за 10,7 отсто пониски отколку во септември 2022 година и 24,0 отсто пониски во однос на историскиот максимум од март минатата година.
Индексот на цените на житните култури се зголемува за еден процент месечно. Пред се поради тоа што во истиот период пченката поскапела за седум отсто. Иистовремено цената на пченицата паднала за 1,6 отсто.
Индексот кој ги следи промените на цените на растителното масло падна за 3,9 отсто, а шеќерот порасна за 9,8 отсто во однос на претходниот месец и сега е на највисоко ниво од ноември 2010 година.
Прелиминарните прогнози укажуваат на пад на производството на шеќер во Тајланд и Индија поради последиците од климатскиот феномен Ел Нињо.
Светските цени на млекото во септември паднале за 2,3 отсто во однос на август, а месото за еден отсто.
За повеќе корисни стории посетете ја рубриката Агро Вести, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
