Правилната исхрана е основа за добро здравје и вклучува правилен и разновиден избор на храна и ги содржи сите хранливи и заштитни состојки.
Основата на урамнотежена и правилна исхрана се витамините и минералите, кои имаат една заедничка карактеристика. А тоа е дека нашето тело не може да ги произведе, но мора да ги внесуваме со храна и вода.
Еден од основните минерали е јодот. Јодот е присутен во тироидните хормони, одговорен е за регулирање на функцијата на тироидната жлезда. Го поддржува здравиот метаболизам и го помага растот и развојот. Јодот е неопходен за развој на мозокот.
Мајкл Цимерман е професор и раководител на лабораторијата за човечка исхрана во Одделот за здравствени науки и технологија на Швајцарскиот федерален институт за технологија (ETH) во Цирих. И извршен директор на глобалната мрежа на Меѓународниот совет за контрола на нарушувања со недостаток на јод ( ICCIDD). Истакнува дека недостатокот на јод за време на бременоста може да го наруши растот и невроразвојот на потомството. Како и да ја зголеми смртноста на доенчињата. Недостатокот на јод во детството го намалува соматскиот раст и когнитивните и моторните функции.
Јодот влијае не само на создавањето, туку и на одржувањето на когнитивните функции. Концентрацијата и меморијата и е неопходен за сите возрасни групи. Најдобри извори на јод се алгите, морските риби и морските плодови.
