Ако некогаш сте посакале да одгледувате банани, но мислевте дека климата во која живеете е премногу студена и се откажавте од идејата, можеби ќе размислите повторно кога ќе научите како успешно да ја одгледувате во области каде што времето е малку поладно.
Бананата е живописно растение, а нејзините плодови се омилена закуска и многумина би сакале да ја одгледуваат. Првото нешто што треба да направите за да ја исполните својата желба е да изберете сорта што ќе ја пораснете. Постојат сорти кои се отпорни на студ, како што е „басџо“. При избор на сорта, важно е да се има предвид дека, иако тоа ќе биде прекрасен додаток во дворот, многу варијанти се сметаат само за украсни.
Кои се побарувањата при одгледување банани?
За банани за јадење, можеби ќе сакате да размислите за помали џуџести сорти, кои можат да бидат засадени во големи саксии и кои можете да ги носите во затворено, кога надвор ќе стане доволно студено. Во некои случаи, веројатно ќе треба да го соберете овошјето малку порано и да го оставите да зрее самостојно.
Бананата сака многу сонце и затоа и е потребна позиција со најмалку 12 часа сончева светлина на ден. Исто така, потребна е добро пропустлива почва. Обичната градинарска почва или сиромашната почва што содржи глина е премногу тешка за тоа, затоа мора да бидете внимателни при изборот на место за садење. Бананата не толерира преголема влажност на почвата, па затоа длабоката, растресита и добро пропустлива почва е клучна за нејзиниот опстанок.
При избор на место за садење на отворено, потребно е да бидете сигурни дека е заштитено од ветер. Всушност, најдобро е да изберете топло, сончево место на јужната или југоисточната страна од куќата. Неопходно е да се засади расад длабоко најмалку 15 см.
Лесно наѓубрување се препорачува секогаш кога ќе го напоите растението, бидејќи бананата бара многу ѓубрење.
Преземете ги сите мерки за да ја заштитите бананата од студено време. Не толерира температури под нулата. Главното дрвото и коренот треба да бидат специјално заштитени (со покривка, прекривка) и да се одржуваат со цел растението да се врати следната сезона. Структурата на коренот во форма на луковица е она што треба да го заштитите за да го одржите дрвото од банана.
За области со поблага зима
Ставете густа прекривка околу корените на дрвото – ова ќе спречи замрзнување. Можете да измешате сецкани листови од банана, сецкана хартија, други листови, струготини во прекривката. Не користете тресетски мов, бидејќи тоа ќе ја задржи почвата премногу влажна, што ќе предизвика гниење на коренот. Ако зимата е влажна, ставете ја прекривката во пластични кеси и ставете ги над корените.
Следната важна работа е да се спречи замрзнување на стеблото на бананата. Сè додека растат, зелените стебла ќе останат зелени и нема да замрзнуваат, односно ќе преживеат и ќе растат. Летниот раст подразбира и целосно обликуван цвет. Ако го одржите жив, ќе се направи скок во следната сезоната на растење, бидејќи растението нема да мора да започнува од почетокот на пролет.
На бананите им е потребно обично од 15 месеци до 2 години да произведат плодови.
За области со умерена зима
Ако живеете во област со умерени зими, можете да направите прекривка за растението. Кафези, односно рамки од домати може да се користат за овие цели и да бидат покриени со проѕирна фолија. Оваа заштита работи добро кога се појавуваат студени денови и ноќи и може да се отстрани по потреба.
Не е добро да се завитка растението само со фолија, бидејќи обвивката може да замрзне таму каде што го допира стеблото. Од друга страна, ако одеднаш се загрее, тоа може да предизвика прегревање и умирање на растението.
Како да одгледувате банани за области со сурова зима
Најдобро е да се одгледуваат џуџестите видови во саксија за да можете да ги носите во затворен простор кога ќе стане студено. Ако сте го засадиле директно во земја, и живеете во ваква област, откокопувајќи и чувајќи го во затворени простории каде што е суво и топло, е најдоброто решение. Откопувањето нема да биде тешко, бидејќи бананите имаат многу плиток корен.
За повеќе корисни стории посетете ја рубриката Агро совети, како и нашите социјални мрежи Facebook и Viber.
