Следниот пат кога ќе сакате да подготвите пржена храна, нутриционистите предлагаат да користите маслиново масло како најдобар избор. Особено да внимавате на употребата на масло од пченка, соја и сончоглед поради здравствените последици.
Нутриционистите ги наведуваат следниве видови масла како потенцијално опасни за вашето тело:
Пченкарно масло
Едно масло што создало нерамнотежа во омега-3 и омега-6 масните киселини е маслото од пченка.
„Ова е релативно евтино што го прави популарна опција за пржење храна. Содржи 57 отсто омега-6 и 29 отсто омега-3 масни киселини, а остатокот се заситени и омега-9 масти“, објаснува американската диететичарка Триста Бест.
Џеј Ковин, регистриран нутриционист, исто така забележа дека маслото од пченка не е толку здраво како што мислат луѓето. Тоа е богато со полинезаситени масни киселини како омега-6, што може да предизвика воспаление и оштетување на црниот дроб, рече тој.
Масло од соја
Маслото од соја е уште едно масло за готвење кое треба да биде ограничено.
„Како и многу растителни масла, маслото од соја е високо рафинирано. Ова значи дека поминува низ обемен процес кој вклучува бројни хемикалии за да се претвори во масло“, рече Ковин.
„Овој процес на производство го прави маслото од соја повеќе склоно кон оксидација, а кога имаме многу оксидирани соединенија во нашето тело, се изложуваме на ризик од повеќе болести“, додаде тој.
Некои од нив се: срцеви заболувања, дијабетес тип 2 и метаболички синдром.
Сончогледово масло
„Сончогледовото е нездраво бидејќи содржи и високо ниво на омега-6 масни киселини“, вели Ковин.
„Овие масни киселини можат да предизвикаат воспаление во телото, што може да доведе до здравствени проблеми како што се срцеви заболувања и рак“, продолжи Ковин, посочувајќи на студија од 2017 година.
Друга причина зошто сончогледовото масло може да биде нездраво е тоа што произведува повисоки нивоа на алдехиди во споредба со другите растителни масла за готвење кога се изложени на топлина. Алдехидите се всушност токсични материи кои можат да ве изложат на високи здравствени ризици.
За повеќе корисни стории посетете ја рубриката Агро совети, како и нашите социјални мрежи Facebook и Viber.
