Рен – екстра здрава храна и многу важен борец против грип и настинка. Затоа е важно да го зачувате и да го користите цела зима. Ви носиме рецепт и упатства како да го замрзнете коренот на ова растение.
Проблемот со рен обично е што за многу луѓе е прејак, па затоа го избегнуваат. Едно од решенијата (што самите го пробавме) е да го изрендаме, да го исцедиме, да го измиеме во една или две шолји вода, па повторно да го исцедиме. Го мешаме ренот со домашна павлака и го јадеме како салата.
Ова е уште една верзија на „послаб“ рен.
Потребно е: 130 гр корен од рен и 150 мл јаболков оцет. (Секако дека можете да ги удвоите состојките).
Ренот изрендајте го (рачно или во сечкач за храна или блендер) и ставете го во тегла. Истурете јаболков оцет и чувајте го во фрижидер до 12 месеци. Користете како салата.
Замрзнување
Постојат неколку начини за чување на рен за зимница, а еден од начините е да го замрзнете. Препорачливо е да користите вакуумски апарат, кој ќе го извлече воздухот и ќе помогне да се задржат здравите масла по кои е познато.
Корените од рен исчистете ги и исечкајте ги на парчиња, ставете ги во кесички и затворете ги со помош на вакуум. Да се чува во замрзнувач.
За повеќе корисни стории посетете ја рубриката Агро совети, како и нашите социјални мрежи Facebook и Viber.
