МЗШВ и Тутунарите го трчаат последниот круг од годинешниот откуп на тутунот.
Во оваа година можеме да кажеме дека откупот на тутунот е навистина хаотичен.
Политиката активно се вклучи и почна да ги разединува тутунопроизводителите.
Производителите на тутун се жалат на:
- ниски откупни цени
- неправилна проценка на тутунот по класи
- привилегирано ценење по партиска и пријателска линија
- манипулации од страна на откупните центри
- партиско мешање и креирање на раздор помеѓу самите производители на тутун
- Се откупува со шифри, се враќаат луѓето
- Четврта класа не се откупува
- Проценката не е реална
- Вистинските класи како првата се декласира за нивна намена и одат во двојка или тројка
- Редици се чекаат на откупите
- Се земаат пари под рака само за да се дојде до ред да се предаде тутунот
- Останува и барањето за 100 денари субвенции за сите класи
- Немаме доволно пакети за тутун
Тутунарите обвинуваат дека годинешниот откуп на тутун е најкатастрофален во последниве 20 години.
МЗШВ пак велат:
- Тутунарите имаат можност до петти февруари во подрачните единици на министерството за земјоделство да го пријават вишокот на произведен тутун
- До 28 овој месец, ќе биде откупено се што е произведено од страна на тутунарите
- Тутунарите секоја година добиваат на име субвенции 30 милиони евра, што изнесува 30% од вкупниот буџет за субвенционирање во земјоделството и претставува сериозна подршка од државата
- Први во годината ги добиваат субвенциите
- Добиваат и зелена нафта
Податоците пак на Министерството за земјоделство велат дека досега се откупени 17 илјади тони тутун по просечна цена од 165 денари по килограм. А, потврдуваат и дека тутунарите како погодена група на граѓани од ковид кризата, ќе бидат опфатени со петтиот пакет економски мерки на Владата.
МЗШВ и Тутунарите се тие кои што мораат да најдат решение на проблемите.
За повеќе корисни стории посетете ја страната на zemjodelie.mk, како и Земјоделските групи на Facebook и Viber.
